Paginae

Tuesday, May 26, 2015

Cum complerentur dies Pentecostes

Die Pentecostes, a.d. IX Kal. Jun., preces vespertinae cantae sunt in ecclesia Immaculatae Conceptioni dicata, in Urbe Vetere, quae est antiquissima pars Didacopoleos. Hebdomadarius, cui maximas agimus gratias, factus est rev. dom. Andreas Ramos, qui descenderat ab oppido Ramona ut digne solemnitatem nobiscum celebraret. Adfuit autem et filius fratris Jonathae, puer nomine Lucas, qui pridie sumpserat primam Communionem. Circiter XXX fideles comitati sunt nos, aliis visitatoribus breviter prospicientibus. Iterum illuc revertemur in mense Junio ad festum s. Philippi Nerii celebrandum, qui hodie, Octava Pentecostes vigente,  ritu antiquiore celebrari non licet.







Friday, May 15, 2015

In festo sancti Gregorii Nazianzeni

Sabbato, a.d. VII Idus Majas, die festo sancti Gregorii Nazianzeni, rev. dominus Gregorius Eichman, F.S.S.P. sacrum obtulit in ecclesia Immaculatae Conceptioni dicata. Sicut nobis mos est, ministravimus ei et proprium Missae cecinimus. Chorus autem musicorum ordinarium a Thoma Tallis compositum cecinit, magna cum fidelium aedificatione. Auscultate, amici lectores, pulchram musicam dum admiremini imagines moventes. 




Monday, April 27, 2015

Preces verspertinae in tertia Dominica post Pascham

Aliquas imagines ostendo vobis, amici lectores, de vesperis heri, a.d. VI Kal. Mai.,  celebratis in ecclesia sancto Vincentio a Paulo dicata. Rev. dom. Eugenio Sancta Anna absente, hebdomadarius factus est reverendus pater Harrius Neely, O.S.A.. Propter cujus infirmitatem, benedictio sanctissimi Sacramenti non potuit fieri. Pietas autem et devotio, Deo adnuente, suppleverunt.    





Saturday, April 18, 2015

Imagines de Vesperis Dominicae in Albis.

Dominica in Albis, Nonis Aprilibus, usque ad oppidum Ramonam ivimus ut preces vespertinas caneremus in ecclesia Immaculati Cordis Mariae. Jam vero illic adfueramus  in tempore Adventus, cum conventus de re liturgica haberetur. Iterumque parochus, reverendus dominus Andreas Ramus, qui  benigne nos acceperat, hebdomadarius  factus est. Vesperis expletis ac benedictione Sanctissimi Sacramenti impertita, post multos menses, cantus Regina Caeli paschali implevit guadio corda  fidelium.


Processio ad altare
Dominus Andreas Ramus antiphonam intonat 

Sunday, April 5, 2015

Friday, April 3, 2015

Zelus domus tuæ comedit me

Feria IV hebdomadae sanctae, Kalendis Aprilibus, praevenientes cecinimus Matutinum ac Laudes Feriae V in ecclesia sancto Joanni Evangelistae dicata. Cum reverendus dominus Eugenius Sancta Anna aegrotaret, hebdomadarius factus est reverendus pater Harrius Neely, O.S.A., senex quidem annis, juvenis autem corde. Inspicite ergo amici lectores imaginem photographicam in sacristia, precibus expletis, factam necnon, si placuerit vobis, imagines cinematographicas totius cerimoniae. 

Tenebrae 2015
Imagines mobiles sonorae

Friday, March 27, 2015

De Imitatione Christi

Thomas von Kempen JS.jpg
  
De imitatione Christi libri quattuor a Thoma a Kempis scripti sunt anno MXDXVIII. Thomas autem canonicus Germanicus natus est anno MCCCLXXX atque obiit MXDLXXI. Sicut nomen ipsum patefacit,  opus de imitatione Christi introductio est ad vitam spiritalem. Cum multi Christiani volumine hoc usi sint,  multae ipsius versiones hodie exstant. Haec vero editio habet scriptum Latinum et versiones in sex linguis, nempe Italice et Francogallice et Hispanice et Germanice et Anglice et Graece. Plurimi autem errores in operis fine descripti correcti sunt. Curatur quidem hujus editionis opinabatur non a Thoma a Kempis sed a Joanne Gersen libros scriptos esse. Homines autem hodierni cum hoc non concordant.

$17.50
cum tegumento chartaceo 

$30.00
cum tegumento rigido